30 September 2019

LARAB Septyembre 21 BALITA | Maanomaliya nga badyet ni Duterte, ginsukna


Nagpahimatngon an Bagong Alyansang Maka bayan (BAYAN)-Eastern Visayas nga papas-anon han katawhan Pilipino an maanomaliya ngan bulnerable ha kurapsyon nga ginproposisyon nga badyet han gubyerno Duterte para ha 2020.

Ha pahayag hini hadton Septyembre 23, ginkwestyon han grupo an pagpadagmit ha kongreso han P4.1 trilyon nga nasyunal nga badyet kahuman han mando ni Duterte.

Ginpahitaas an badyet para ha Department of National Defense at Philippine National Police ngadto ha P189 bilyon ngan P185 bilyon. Samtang, ha luyo han ku lang ngan mga natikadunot nga hospital ngan eskoylahan, iibanan ngadto ha P159 bilyon tikang P169 bilyon an alokasyon para ha Department of Health ngan hahatagan la han P551 bilyon an Department of Education bisan kun P880 bilyon an gin-aaro hini nga pondo.

Babaydan naman han sumobra-kumulang P35 bilyon, o tag-P100 milyon, an kada kongresista han pondo nga discretionary o na kadepende ha kongre sista kun para diin ini gagastuson. Sigon ha BAYAN-EV, pinaagi han kurap nga sistema nga padrino, nasisiguro ni Duterte nga sunud-sunuran an kongreso ha iya mga karuyagon. Natipa liwat ini ha nauna nga desisyon han Korte Suprema nga talapas ha konstitusyon an sistema nga pork barrel.

Nanawagan an BAYAN-EV ha katawhan nga ibuksas an mga anomaliya ha ginproposisyon nga badyet, ngan ipanawagan an pagbalhin han pondo tikang ha pulis ngan militar ngadto ha mga serbisyo publiko.

No comments:

Post a Comment