28 November 2010

NPA snipers carried out legitimate offensive in hitting enemy combatants and sparing civilians

Press Release
Nov. 28, 2010

The National Democratic Front-Eastern Visayas today commended the New People's Army in Northern Samar for carrying out a successful sniping operation while ensuring the safety of civilians in Brgy. San Isidro, Las Navas last Nov. 22. "According to the terms of international humanitarian law, the NPA carried out a legitimate offensive because it targeted enemy combatants of the 6th Field Artillery Battery and did not harm any civilians," said Fr. Santiago Salas. "Gen. Mario Chan, 8th Infantry Division chief, makes up the cock-and-bull psywar story that the NPA committed rights violations. The enemy casualties, Sergeant Rennie Solis who was killed and Technical Sergeant Edgardo Tahum who was wounded, were legitimate targets as regular combatants. The 8th ID really wants to hide its embarrassment over having veteran noncommissioned officers such as these as casualties, for being careless in the warzone and paying dearly. Moreover, the real violation of international humanitarian law is that the enemy combatants and their unit were encamped and mingling in a village of civilians and thus putting them in harm's way as human shields. The NPA sniping operation was a way of ensuring that only legitimate targets were hit and that civilians were safe."

Fr. Salas added that the NPA sniping operation was entirely different from the cowardly and cold-blooded attack by the 19th Infantry Battalion without identifying their targets, and that killed leading botanist Leonardo Co and two other civilians in Kananga, Leyte last Nov. 15. "The 8th ID in fact flagrantly disregards international humanitarian law by insisting that the massacre in Kananga was a legitimate operation, even though civilians had been killed. Furthermore, the 8th ID is talking only to itself in making an investigation in collaboration with the police and recently clearing the 19th IB elements of wrongdoing. Everybody else is demanding an impartial civilian investigation, while the Communist Party of the Philippines goes even further by calling for a joint investigation by the Philippine government and the NDFP. As far as the massacre of Co and his companions is concerned, the revolutionary movement has nothing to hide and is willing to cooperate in a joint investigation. But the 8th ID is twisting in the wind in trying to do a cover-up in the face of intense public scrutiny. Its expression of remorse without an apology is nothing more than hypocrisy."

The NDF-EV praised the NPA for carrying out the revolutionary war against the Aquino regime while putting the highest premium on protecting civilians. "The NPA observes human rights and international humanitarian law in word and in practice. That is the crucial difference between the NPA and the 8th ID. Gen. Mario Chan mouths platitudes about human rights, but snarls and defends his men who are accused of violations. The 8th ID is thus the paragon not of sincerity but of incorrigibility. As the Aquino regime claims to uphold human rights in preparing a new international security plan to replace Oplan Bantay Laya, the people should continue to stand up and fight the military's impunity for rights violations."#


Lehitimo an opensiba han mga isnayper han NPA nga nag-igo han mga kaaway nga kumbatant ngan waray manhibang
ha mga sibilyan

Gindayaw yana han National Democratic Front-Eastern Visayas an New People's Army ha Northern Samar ha malinampuson hini nga paglansar hin isnayping nga operasyon samtang ginseseguro an katalwasan han mga sibilyan ha Brgy. San Isidro, Las Navas hadin Nobyembre 22. "Subay ha mga pagsurundon ha internasyunal nga makatawo nga balaud, nagpatuman hin lehitimo nga opensiba an NPA tungod kay gintarget hini an mga kaaway nga kumbatant han 6th Field Artillery Battery ngan waray manhibang hin mga sibilyan," sering ni Fr. Santiago Salas, tagapagyakan han NDF-EV. "Nagbibinuwa an hepe han 8th Infantry Division nga hi Gen. Mario Chan ha paghinimo hin saywar nga istorya nga kuno naghimo hin pagtalapas han mga katungod an NPA. Pero an mga kaswalidad han kaaway, hira Sergeant Rennie Solis nga napatay ngan an nasamaran nga hi Technical Sergeant Edgardo Tahum, in mga lehitimo nga target komo mga regular nga kumbatant. Karuyag la tahuban han 8th ID an kaarawdan hini nga an sugad nga mga beterano nga "noncommissioned officer" in nagin kaswalti pa, tungod kay nagin tagya ha sona han gerra ngan nagbayad hin mahal. Dugang pa, an tinuod nga pagtalapas han internasyunal nga makatawo nga balaud amo an pagkampo han mga kaaway nga kumbatant ngan han ira yunit nga nasalado ha baryo han mga sibilyan, ngan ha sugad pagbutang ha ira ha risgo komo mga taming (human shields). An isnayping nga operasyon han NPA usa nga pamaagi hin pagseguro nga adton mga lehitimo nga target la an maiigo ngan talwas an mga sibilyan."

Gindugang pa ni Fr. Salas nga an isnayping nga operasyon in hul-os nga naiiba hadton tinalawan ngan makarimadima nga pag-atake han 19th Infantry Battalion bisan kun diri klaro an ira target, nga nagresulta ha pagpatay ha kilalado nga syentista han mga tanum (botanist) nga hi Leonardo Co ngan duha pa nga sibilyan ha Kananga, Leyte hadin Nov. 15. "Ha kamatuoran, butad an pagbaliwaray han 8th ID ha internasyunal nga makatawo nga balaud ha pag-insister hini nga usa nga lehitimo nga operasyon an masaker ha Kananga, bisan pa man kun may namatay nga mga sibilyan. Dugang pa, ginkakaistorya la han 8th ID an iya kalugaringon ha paghimo hin imbestigasyon ha pakigbuligay ha pulisya ngan ha bag-o pala nga pagpawaray-sala ha 19th IB ha binuhatan hini. Nagdedemanda an ngatanan para hin waray gin-gagapilan nga imbestigasyon nga sibilyan, samtang lahos pa nga nanawagan naman an Communist Party of the Philippines hin buligay nga imbestigasyon han gobyerno han Pilipinas ngan han NDFP. Kun hihisgutan an pagmasaker kan Co ngan han iya mga kaupod, waray igtatago an rebolusyunaryo nga kagiusan ngan karuyag hini magkooperar para han buligay nga imbestigasyon. Pero nagkakabaliko an 8th ID ha pag-atentar nga magtahub atubangan han makusog nga pag-aliskay han publiko. Waray pulos kundi pagigin ipokrito an pahayag hini han kuntaloy kasulub-on kay waray man ngani ini mangaro han pasaylo."

Gindayaw han NDF-EV an NPA ha pagpatuman han rebolusyunaryo nga gerra kontra han rehimen Aquino samtang gintatagad ha pinakahitaas nga lebel an pagproteher ha mga sibilyan. "Nag-oobserbar an NPA han mga tawhanon nga katungod ngan internasyunal nga makatawo nga balaud ha pulong ngan ha praktika. Amo ini an dako nga ginkaibhan giutan han NPA ngan 8th ID. Nagyiyinakan hi Gen. Mario Chan hin mga pulong nga kulaos kabahin han tawhanon nga katungod, kundi nangangarigkig naman ini ngan gindedepensahan an iya mga tawuhan nga gin-akusaran hin mga pagtalapas. Kun sugad, modelo an 8th ID diri han sinseridad kundi han pagigin garapal. Samtang nagpapahayag an rehimen Aquino nga kuno nagsusulong han tawhanon nga katungod ha pagpreparar hin bag-o nga "internal security plan" agud saliwanan an Oplan Bantay Laya, kinahanglan magpadayon ha pagtindog ngan pag-ato an katawhan kontra han kalibrehan han militar nga maghimo hin mga panalapas han mga katungod."#

17 November 2010

NDF-EV condemns yet another 19th IB massacre claiming the lives of a distinguished scientist and his two assistants

Press Release
Nov. 17, 2010

The National Democratic Front-Eastern Visayas today condemned the massacre of a prominent botanist and his two assistants last Nov. 15, and pinned responsibility on the 19th IB, calling for its expulsion from the region for committing mass killings and other human rights violations for so many years. "The NDF-EV condoles with the families and friends of University of the Philippines professor Dr. Leonardo Co and his assistants, Sofronio Cortez and Julius Borromeo, who were indiscriminately fired upon and killed by 19th IB elements while doing fieldwork in Kananga, Leyte," said Fr. Santiago Salas, NDF-EV spokesperson. "We join the call for justice for Dr. Co and his assistants, as well as for survivors Policarpio Batute and Ronino Gibe, and the many other victims of the 19th IB. The NDF-EV does not believe that an encounter occurred between the New People's Army and the 19th IB elements and that Dr. Co's group was caught in the crossfire. It is highly improbable for Dr. Co and his companions to accidentally stray near an NPA camp or an NPA unit on maneuvers and suddenly find themselves in a crossfire. The NPA camps are well-hidden and highly secure areas inaccessible to most, and an NPA unit on maneuvers also stays away from civilians to maintain secrecy and to avoid endangering them. Rather, it is the NDF-EV's belief that Dr. Co's group was mistaken for an NPA unit by the 19th IB elements led by Lt. Ronald Ocheamar, who attacked based on a flimsy intelligence report, and who furthermore violated the rules of engagement by indiscriminately firing without verifying their targets. We trust that the NPA's Mt. Amandewin Command in Leyte is investigating this grave incident to clarify what really happened and to help attain justice for the victims."

Fr. Salas also said that the onus is on the 19th IB, dubbing it the "Massacre Battalion" for its involvement in at least three previous massacres and other rights violations. "If confirmed, the killing of the UP professor and his assistants will be the second massacre in Kananga alone by the 19th IB. To remember, the first Kananga massacre happened on April 16, 2003, with the mass torture and massacre of nine civilians -- including a pregnant woman and four minors. The victims were doused with boiling water before being shot in the head at close range. Moreover, on Nov. 21 will be the commemoration of another 19th IB massacre, this time of ten peasants in Palo, Leyte in 2005 who were peacefully working when attacked. Meanwhile, the earliest documented massacre by the 19th IB involved the killing of the Nuguit family -- three children, the father, and the mother who was also pregnant -- whose house was strafed in Palapag, Northern Samar on January 28, 1999. The 19th IB is also accused of other rights violations, such as the extrajudicial executions under Oplan Bantay Laya that victimized progressive activists, as well as CPP-NPA cadres Bibiano Rentillosa and Antonio Ramos, who were killed after being captured alive in 2006 and 2007, respectively."

The NDF-EV spokesperson called on the Aquino government not to whitewash but to swiftly investigate the incident and render justice to the victims, and to take steps to end the brutal militarization of Eastern Visayas that led to the massacre. "We call on Justice Secretary Leila de Lima as well as the human rights committees in the Senate and Congress to probe and punish the responsible for this latest atrocity by the 19th IB as well as previous ones, so justice can finally be rendered to the battalion's various victims. The survivors and potential witnesses Policarpio Batute and Ronino Gibe must also be protected from retaliation and whitewash attempts by the 8th Infantry Division. This latest atrocity should also be a wake-up call to the Aquino government to end Oplan Bantay Laya now and to desist from crafting more military campaigns that mostly harm civilians. Eastern Visayas is in the throes of massive militarization because it is a priority area for the government campaign against the NPA. But as this new Kananga massacre shows, the government campaign is turning into senseless violence against the people because trigger-happy soldiers have been enjoying impunity for too long, despite so many complaints over human rights violations."

Fr. Salas also called on the peace negotiating panels of the Aquino government and the NDFP to take the Kananga incident as a challenge to persevere with the peace talks. "The senseless deaths of Dr. Leonardo Co and his two assistants epitomize the sufferings of innocent civilians and the crying need for peace and justice, in the face of government offensives that wantonly violate human rights and international humanitarian law. The NDF-EV hopes that the recent tragedy will spur the Aquino government into showing its political will for negotiations, rather than pursuing the militarist and fascist approach of Oplan Bantay Laya over the past decade."#


Ginkokondena han NDF-EV an usa na liwat nga masaker han 19th IB nga nagin hinungdan han kamatay han kilalado nga syentista ngan an duha niya nga kaupod

Ginkondena yana han National Democratic Front-Eastern Visayas an pagmasaker ha usa nga promininte nga siyentista han mga tanum (botanist) ngan an iya mga kaupod hadin Nobyembre 15, gintudlok an 19th IB komo responsable, ngan nanawagan nga palagputon ini tikang ha rehiyon tungod han pira na katuig nga paghimo hin damo nga kaso han mga panmatay ngan iba pa nga panalapas han tawhanon nga katungod. "Nakikigsimpatya an NDF-EV ha mga pamilya ngan kasangkayan han propesor ha University of the Philippines nga hi Dr. Leonardo Co ngan han iya mga kaupod nga hira Sofronio Cortez ngan Julius Borromeo, nga paturapak nga gin-istraping ngan ginpatay han mga elemento han 19th IB samtang nagtatrabaho ha Kananga, Leyte," sering ni Fr. Santiago Salas, tagapagyakan han NDF-EV. "Nakikig-usa kita ha panawagan para han hustisya kan Dr. Co ngan ha iya mga kaupod, kan Policarpio Batute ngan Ronino Gibe nga nakatalwas, sugad man para ha damo pa nga biktima han 19th IB. Diri natuod an NDF-EV nga nagkamay-ada hin engkuwentro giutan han New People's Army ngan han mga elemento han 19th IB, ngan ha sering nga naipit ha balyuay han bubto o "crossfire" an grupo ni Dr. Co. Ura-ura nga diri matuod-tuod nga aksidente nga makaharani hi Dr. Co ngan an iya mga kaupod ha kampo han NPA o ha nagmamaniobra nga yunit han NPA, ngan tigda na la nga ginbutang an kalugaringon ha giutan han bubtuhay. An mga kampo han NPA in maupay an katago ngan aadto ha lugar nga hitaas an pagtagad ha siguridad ngan diri basta-basta makakadtuan han kadam-an, ngan an mga nagmamaniobra nga yunit han NPA liwat in napaharayo ha mga sibilyan agud mamentinar an pagsikreto ngan agud diri hira maibutang ha risgo. Kundi, may pagtuo an NDF-EV nga nahisal-an komo usa nga yunit han NPA an grupo ni Dr. Co han mga elemento han 19th IB nga ginpapamunuan ni Lt. Ronald Ocheamar, nga umatake basar ha diri klaro nga sumat ha intelidyens, ngan dugang pa nira nga ginbaliwaray an mga balaud ha pakig-away (rules of engagement) pinaagi han paturapak nga pagpabuto nga diri ginkaklaro an ira mga target. Natapod kita nga nag-iimbestigar na an Mt. Amendewin Command han NPA ha Leyte kabahin hini nga makarimadima nga insidente agud klaruhon kun ano gud an tinuod nga nahitabo ngan bumulig ha pagkab-ot han hustisya para han mga biktima."

Ginsering pa ni Fr. Salas nga aada an kabaratunan ha 19th IB, ngan gintawag ini nga "Batalyon han Masaker" tungod han pagkadabi hini ha diri maubos ha tulo nga masaker ngan iba pa nga panalapas han tawhanon nga katungod han nakalabay. "Kun makukumpirma an pagmasaker ha propesor han UP ngan han iya mga kaupod, amo na ini an ikaduha nga masaker ha Kananga nga binuhatan han 19th IB. Kun mahihinumduman, an syahan nga masaker ha Kananga nahitabo hadton Abril 16, 2003, ha tinagdamo nga panortyur ngan pagmasaker han siyam nga mga sibilyan -- upod na an usa nga babayi nga burod ngan upat nga menor-de-edad. Ginlapwahan hin nakaladkad nga tubig an mga biktima ugsa duok nga ginpanmusil ha ulo. Dugang pa, hihinumdumon ha Nobyembre 21 an usa pa nga masaker nga binuhatan han 19th IB, hini nga higayon ha napulo nga mga parag-uma ha Palo, Leyte hadton 2005 nga gin-atake samtang murayaw nga nagtatrabaho. Samtang, an pinakasyahan nga naidokumento nga masaker nga binuhatan han 19th IB nahitabo ha pagpataya han pamilya Nuguit -- tulo nga bata, an amay ngan an iroy nga burod gihapon hito nga takna -- didto ha Palapag, Northern Samar hadton Enero 28, 1999. Gin-aakusaran gihap hin iba pa nga mga panalapas han tawhanon nga katungod an 19th IB, sugad han ekstrahudisyal nga panmatay ilarum han Oplan Bantay Laya nga nambiktima ha mga progresibo nga mga aktibista, sugad man ha mga kadre han CPP-NPA nga nadakop nga buhi ngan ginpatay, hi Bibiano Rentillosa hadton 2006 ngan hi Antonio Ramos hadton 2007."

Nanawagan an tagapagyakan han NDF-EV ha gobyerno Aquino nga ayaw pagtahuban kundi dagmit nga imbestigaran an insidente para mahatagan hustisya an mga biktima, sugad man tangpuson na an brutal nga militarisasyon ha Eastern Visayas nga naghagudalan ha masaker. "Nananawagan kita kan Justice Secretary Leila de Lima sugad man ha kanan Senado ngan Kongreso nga mga komite ha tawhanon nga katungod nga imbistigaran ngan sirutan an responsable hini nga bag-o nga panalapas han 19th IB, sugad man an mga nakalabay agud mahatagan na hin hustisya an damo hini nga mga biktima. Ini nga bag-o nga brutalidad in kaangayan nga magserbi nga pamukaw ha gobyerno Aquino nga tangpuson na yana an Oplan Bantay Laya ngan undangon na an paghinimo hin iba pa nga mga kampanya militar nga kasagaran nga nagpapakuri la ha mga sibilyan. Aada ha butnga han grabe nga militarisasyon an Eastern Visayas tungod kay prayoridad ini han kampanya han gobyerno kontra ha NPA. Pero ha ginpakita hini nga bag-o nga masaker ha Kananga, nagawas nga an kampanya han gobyerno in nagigin waray-wantas nga kabangisan kontra ha katawhan nga maiha na nga ginpapatakasan hin mga utok-pulbura nga sundalo, ha luyo han damo nga reklamo han panalapas han tawhanon nga katungod."

Nanawagan gihapon hi Fr. Salas ha mga nalingkod para ha negosasyon pankamurayawan dida ha gobyerno Aquino ngan ha NDFP nga karawton an insidente komo usa nga ayat agud magpursige ha erestorya. " An waray pulos nga kamatay nira Dr. Leonardo Co ngan an iya duha nga kaupod in pungkay han pag-aantos han mga inosente nga sibilyan ngan an seryoso nga panginahanglan para ha kamurayawan ngan hustisya, atubangan han waray-wantas nga mga opensiba han gobyerno nga natalapas ha tawhanon nga katungod ngan internasyunal nga makatawo nga balaud. Naglalaum an NDF-EV nga an bag-o nga trahedya in magduduso ha gobyerno Aquino ha pagpakita han pulitikal nga kaandaman para ha negosasyon, kontra ha pagpursige ha militarista ngan pasista nga daop han Oplan Bantay Laya ha naglabay nga dekada."#

04 November 2010

Anti-mining stand of EV bishops lauded, support for peace talks urged

Press Release
Nov. 4, 2010

The National Democratic Front-Eastern Visayas today lauded the stand of the six Roman Catholic bishops in the region against mining, and likewise urged them to support the resumption of peace talks with the NDFP. ""It is commendable for the Catholic bishops to appeal to the Aquino government to stop mining in the region," said NDF-EV spokesperson Fr. Santiago Salas. "They are reflecting the stand of the majority of the people, who reject the mining projects of foreign and local capitalists as inimical to the national patrimony, the environment and genuine development. But we also urge the Catholic bishops to support the resumption of peace talks with the NDFP because of the slated discussion of socio-economic reforms. In the larger context, the mining issue is a glaring example that socio-economic reforms are necessary to address the problems of poverty, foreign exploitation and environmental destruction."

Fr. Salas slammed the Aquino government for forcing large-scale foreign mining on the region. "Because the Aquino government is committed to US imperialist globalization, national and local officials are moving to let foreign capitalists extract the rich mineral resources of Eastern Visayas. But because also of widespread public anger, the government officials pretend to care for the environment and the people's welfare. Even if the Aquino government insists there are "safeguards" and "sustainability", handing over our natural resources to foreign exploiters is essentially an abdication of responsibility over these. On the other hand, the best alternative is including mining in an economic program geared towards national industrialization and land reform for the benefit of the people. They are the best guardians in ensuring the wise and long-term use of our natural resources if they understand it is in their own interests to do so."

The NDF-EV spokesperson also questioned the Aquino government's sincerity for the peace talks. "The Aquino government appears to be taking its time to discuss socio-economic reforms with the NDFP even as the people's hardships increase. Worse, the government seems to be pursuing anti-people and anti-national policies. It is ignoring genuine land reform as well as diminishing agricultural assistance for the peasantry. It is pursuing mining and other pro-imperialist concessions that further open up the country to foreign exploitation. It is pouring billions into conditional cash transfer and emergency employment schemes, which are dole-outs of no lasting benefit to the people and meant to deceive that the government is addressing the people's plight. The Aquino government also goes through the motions of talking peace, but at the same time is preparing to intensify its military campaign with US aid and under the influence of the US Counterinsurgency Guide. It is even possible the Aquino government will use the peace talks as a "counterinsurgency" weapon to attack and dictate terms of surrender on the revolutionary movement."

Fr. Salas thus concluded that the people must assert their demands and insist on the peace talks to uphold socio-economic reforms. "The peace talks should not be allowed to become a tool of the fascists and militarists in the Aquino government. Instead, the people themselves must assert a just and lasting peace that dovetails with the demands for socio-economic reforms the democratic mass movement is fighting for. The urgent need for socio-economic reforms will surely be brought to the fore as the peace talks continue to be pursued. The current solidarity of the Church and the people in Eastern Visayas against mining can thus further develop in pressing for socio-economic reforms, and in insisting on the peace talks as one of the essential means to do so."#


Tindog han mga obispo ha EV kontra ha pagmimina gindayaw, suporta ha erestorya pankamurayawan iginpanawagan

Gindayaw yana han National Democratic Front-Eastern Visayas an tindog han unom nga obispo nga Romano Katoliko ha rehiyon kontra ha pagmimina, ngan sugad man gin-aghat hira nga suportahan an utro nga pag-abre han erestorya pankamurayawan ha NDFP. "Kaangayan la nga dayawon an mga obispo nga Katoliko ha pag-apela nira ha gobyerno Aquino nga undangon an pagmimina ha rehiyon," sering ni Fr. Santiago Salas, tagapagyakan han NDF-EV. "Gin-eespiho nira an tindog han mayorya han katawhan, nga nadiri han mga proyekto hin pagmina han mga langyawanon ngan lokal nga kapitalista, tungod kay pagtamas-tamas ini ha nasudnon nga patrimonya, ha kalibungan ngan ha tinuod nga kauswagan. Pero aton gihap gin-aaghat an mga obispo nga Katoliko nga suportahan an utro nga pag-abre han erestorya pankamurayawan ha NDFP. tungod han nakatalaan nga pagtalakay han mga pankatilingban ngan pan-ekonomiya nga reporma, nga ginkikinahanglan agud matagad an mga problema han kakablasan, langyawanon nga pagpahimulos ngan panhibang ha kalibungan."

Ginsukna ni Fr. Salas an gobyerno Aquino ha pagpinursige hini para han tinagdagko nga langyawanon nga pagmimina ha rehiyon. "Tungod kay nakahigot an gobyerno Aquino ha imperyalista nga globalisasyon han US, nagios an mga nasyunal ngan lokal nga opisyales agud tugutan an mga langyawanon nga kapitalista nga limason an riko nga mga mineral nga rekurso ha Eastern Visayas. Pero tungod gihapon han hiluagan nga kangalas han publiko, nagkukuno-kuno an mga opisyal han gobyerno nga kulaos nagpoproteher ha kalibungan ngan ha kaupayan han katawhan. Bisan pa man kun ig-insister han gobyerno Aquino nga mayda mga "kasiguraduhan" (safeguards) ngan "panmaihaan nga matatagamtaman" (sustainability), an paghatag han aton mga natural nga karikuhan ha mga langyawanon nga paragpahimulos ha esensya in pagbaya ha responsibilidad nga atamnon ini. Ha luyo nga bahin, an pinakamaupay nga alternatibo amo an pagbulig han pagmimina ha programa pan-ekonomiya nga an direksyon tikadto ha nasyunal nga industriyalisasyon ngan tinuod nga reporma ha tuna para ha kaupayan han katawhan. Hira an pinakamaupay nga bantay ha pagsiguro han maupay ngan panmaihaan nga gamit han aton mga natural nga rekurso kun nasasantop nira nga para ini ha ira kalugaringon nga interes."

Ginkwestyon gihap han tagapagyakan han NDF-EV an sinseridad han gobyerno Aquino ha erestorya pankamurayawan. "Baga-baga hin nagawas nga ginpipinaiha han gobyerno Aquino an pagtalakay han mga pankatilingban ngan pan-ekonomiya nga reporma upod an NDFP, bisan pa man kun nagtitikagrabe an kakurian han katawhan. Labaw pa, ginpupursige han gobyerno an mga kontra-katawhan ngan kontra-nasud nga mga palisiya. Ginbabaliwaray hini an tinuod nga reporma ha tuna, sugad man nagtitika-iban an suporta ha agrikultura para ha mga parag-uma. Ginpupursige hini an pagmimina ngan iba pa nga mga maka-imperyalista nga konsesyon, nga dugang nga nag-aabre han nasud para ha langyawanon nga pagpahimulos. Bilyones an ginbubuhos hini para ha mga iskema nga "conditional cash transfer" ngan pankadagmitan nga trabaho (emergency employment), nga puros mga limos ngan waray panmaihaan nga benipisyo para ha katawhan, ngan panuyo la nga manguwat nga kulaos gintatagad han gobyerno an kakurian han katawhan. Nagpopostura gihap an gobyerno nga naghihisgot kabahin han kamurayaw, pero kadungan hini in nangangandam nga pakusgon an kampanya militar hini ha bulig han ayuda han US ngan ilarum han US Counterinsurgency Guide. Posible pa ngani nga gamiton han gobyerno Aquino an erestorya pankamurayawan komo "kontrainsurhensiya" nga armas agud umatake ngan magdikta hin mga termino hin pagsurender ha rebolusyunaryo nga kagiusan."

Ha panapos nga pamulong, ginsering ni Fr. Salas nga kinahanglan dig-unan han katawhan an ira mga demanda ngan ig-insister an erestorya pankamurayawan agud igsulong an pankatilingban ngan pan-ekonomiya nga mga reporma. "Kinahanglan nga diri tugutan nga gamiton an erestorya pankamurayawan han mga pasista ngan militarista ha gobyerno Aquino. Kundi, an katawhan mismo an kinahanglan nga magdig-on para han makatadungan ngan panmaihaan nga kamurayawan, nga naka-angkla ha mga demanda para ha mga pankatilingban ngan pan-ekonomiya nga reporma nga iginpapakigbisog han demokratiko nga kagiusan han katawhan. An agap nga panginahanglan para han pankatilingban ngan pan-ekonomiya nga mga reporma in sigurado nga matatagad kun igpupursige an erestorya pankamurayawan. An presente nga pakighiusa han Singbahan ngan han katawhan han Eastern Visayas kontra ha pagmimina in padayon pa nga mapapauswag ha pag-insister para ha mga pankatilingban ngan pan-ekonomiya nga reporma, ngan ha pag-insister para han erestorya pankamurayawan komo usa nga esensyal nga pamaagi para hini."#